Դասընթացավար

Սոնա Մանուսյանը հոգեբանական գիտությունների թեկնածու է։ Որպես հոգեբան համատեղում է հետազոտական, դասավանդման և մասնավոր գործնական-խորհրդատվական աշխատանքներ։ Դասավանդում է Երևանի Պետական Համալսարանում, ինչպես նաև «Սոցիոսկոպ» հասարակական ուսումնասիրությունների և խորհրդատվության կենտրոնի հիմնադիր անդամ և հետազոտող է։ Ե՛վ հետազոտական, և՛ խորհրդատվական գործունեության մեջ հետաքրքրության առանցքում են ինքնության և ինքնագիտակցության, անձի զարգացման, ներքին ռեսուրսների և ակտիվ հեղինակման հարցերը, ինչպես նաև մասնագիտական գործունեության մեթոդաբանական և էթիկական կողմերը։ Հետաքրքրված է և զբաղվում է նաև թարգմանություններով, այդ թվում՝ հիմնարար հոգեբանական գրականության։